السّاعة ٧ الصّبح، أوّل ما صحيت من النّوم، فتحت الموبايل. لقيت رسالة من البنك، تنبيه من تطبيق الصحة، اجتماع داخل تقويمك، وإيميل من المدير، وفاتورة اتّصالات. من أوّل دقيقة في يومك، تكنولوجيا المعلومات كانت سبقاك بخطوة، وكان لها دور كبير في تنظيم حياتك وإدارة أمورك اليومية.
يعني إيه؟ يعني تكنولوجيا المعلومات في الحياة اليومية مش مجرد أجهزة وبرامج وأكواد وحاجات تخص المهندسين والفنيين وبس؟
لا يا سيدي. تكنولوجيا المعلومات تخصك انت شخصيًا. أه .انت. هي موجودة في حياتك بشكل دائم وشامل أكثر مما تتخيّل. هي صانعة الراحة في يومك، وحارسة المعلومات اللي بتمر من خلال الأجهزة والشبكات اللي بتتعامل معاها.
[بحسب ويكيبيديا] عدد مستخدمي الإنترنت عالميًا نما من 361 مليون مستخدم سنة 2000 إلى حوالي 5.3 مليار مستخدم بنهاية 2023، وده يعني إن أكتر من 65% من سكان العالم دلوقتي متصلين بالإنترنت، وكلهم بيعتمدوا على تكنولوجيا المعلومات في حياتهم اليومية.
إذن ما هي تكنولوجيا المعلومات؟
إنها ببساطة كل ما يجعل التكنولوجيا قادرة على التعامل مع المعلومات بطريقة ذكية، وسريعة، ومفيدة. بدءًا من تسجيل المعلومات، مرورًا بتحليلها وتخزينها، وانتهاءً بتقديمها للمستخدم النهائي. تعمل تكنولوجيا المعلومات في الخفاء؛ تخزّن، تحلّل، تنقل، وتعرض المعلومات لك بطريقة فعّالة، وتحرص خلال هذه الرحلة على [حماية البيانات والدفاع عنها ].
امثلة عملية على تكنولوجيا المعلومات في الحياة اليومية
التسوّق الإلكتروني
لما تطلب أوردر أون لاين من أي متجر أو مكان، ويتبعت لك إشعار بالتوصيل، دي نظم معلومات لوجستية بتنسق تفاصيل الطلب، تحدد موقعك، وإبلاغك بالتحديثات في كل خطوة.
الخدمات الطبية
لما تروح للدّكتور ويفتح ملفّك على التّابلت بدل ما يقلب في ورق كتير، ده مثال لتكنولوجيا صحيّة. البيانات دي بتشمل تاريخك الصحي وتشخيصات دقيقة وبتتيح للطبيب اتخاذ قرارات أفضل في وقت أقل.
الخدمات الحكومية
لما وزارة التربية والتعليم تعلن نتيجة امتحان على الإنترنت، ويسهل على الطلبة وصولهم للنتيجة وهم في بيوتهم ،دي نظم معلومات حكومية. بتبسّط وصول الملايين للمعلومات في وقت واحد وبطريقة شفافة وآمنة.
المطاعم الذكية
لما تدخل مطعم تجيلك قائمة الطعام على جهاز لوحي، أو تطلب عبر شاشة ذكية، التكنولوجيا هنا بتسهّل الخدمة وبتوفّر تجربة عميل حديثة ومبتكرة، غير انها بتسهل علي الموظفين في المطعم انهم يتجاوبوا مع حضرتك ويقدمولك خدمة ترضيك وتطلع وانت مبسوط .
المدفوعات الرقمية
لما تدفع فاتورتك من تطبيق البنك أو تطبّق خدمة تحويل أموال، دي نظم معلومات مالية بتحفظ حقوقك وتأمّن تعاملاتك المالية.
أمثلة إضافية من خلف الكواليس
لما تستخدم وسائل النقل العام: زي تتبع وصول الأتوبيس أو مترو الأنفاق عبر تطبيق.
لما تحجز تذاكر السينما أونلاين وتحصل على باركود لدخول العرض.
لما تدخل شركة أو مبنى وتستخدم بطاقة مرور ذكية، أو بصمة وجه أو عين.
في كل موقف من دول، فيه عقل تكنولوجي شغال في الخلفية. ومش لازم تكون فاهم كلّ التفاصيل علشان تستفيد منه. كفاية إنك تكون عارف قيمته وأثره، علشان تقدّر أهميته في حياتك اليومية.
يعني الكلام ده ممكن يخصّني أو يهمّني؟ أكيد. انت مستخدم يومي لتكنولوجيا المعلومات. لو بتشتغل فمجالك، بنسبة كبيرة داخل فيه أنظمة رقمية. لو بتفكّر في المستقبل، فكل الاتجاهات رايحة ناحية الرقمنة، وبدون فهمها والاستفادة منها هتكون فاقد لأدوات مهمّة بتساعدك في النجاح والتطور.
وده حيكون موضوعنا في السّلسلة دي من المقالات.
في السّلسلة دي حتلاقي
حتلاقي إجابات بسيطة لأسئلة كنت بتحسبها معقّدة.
مواقف واقعية بتلمسها في حياتك اليومية. ومش بتاخد بالك منها
معلومات تخلّيك أكتر وعي بالتكنولوجيا اللي حواليك.
في المقال القادم، حنتابع تكنولوجيا المعلومات في الحياة اليومية من أول يومك لآخره ونشوف هي مستخبّية فين وبتشتغل إزاي، ونستعرض ازاي بتغيّر حياة الأفراد والمؤسسات بشكل مستمر، وحنناقش أهم التحديات اللي ممكن تواجهها.و ازاي نقدر نستفيد منها ونتجنب شرورها وأخطارها ، تابعونا ، وشاركونا ارائكم
الوصف التعريفي
اكتشف كيف تشكل تكنولوجيا المعلومات في الحياة اليومية يومك! من التسوق الإلكتروني إلى الخدمات الصحية، تعرف على دورها في تبسيط حياتك.