يعتقد كثير من الناس أن عمر أجهزة الشبكة مرتبط بسعرها، ويؤمنون بمقولة شائعة: “ادفع أكثر، تحصل على جودة تدوم أكثر”.
لكن الواقع التقني يثبت عكس ذلك تمامًا،فالسر لا يكمن دائمًا في السعر، بل في طريقة الاستخدام والعناية.
هناك خطوات ذكية وبسيطة يمكن لأي شخص تنفيذها بسهولة، دون الحاجة إلى ميزانية إضافية، تساعد بشكل مباشر في إطالة عمر أجهزة الشبكة كالرواوتر، والسويتش، ونقاط الوصول اللاسلكية.
هذه الخطوات تشبه إلى حد بعيد نمط الحياة الصحية للإنسان؛ تمامًا كما يحتاج الجسم إلى تهوية، راحة، وتنظيف دوري ليستمر في العطاء، فإن أجهزة الشبكة أيضًا بحاجة إلى بيئة مناسبة وتعامل واعٍ لتحافظ على أدائها.
ولأننا نعيش في عصر ترتفع فيه الأسعار باستمرار، فإن الحفاظ على الأجهزة الموجودة لأطول فترة ممكنة لم يعد رفاهية… بل أصبح ضرورة! في هذا المقال ، سوف نتعرف كيف نحافظ على استقرار الشبكة ونطيل عمر أجهزتها من خلال 9 خطوات مجربة، سهلة، وسحرية
فكّها ونضّفها كل 6 شهور
قد تبدو الأتربة شيئًا عاديًا لا يُؤبه له، لكنها في الواقع العدو الصامت لأجهزة الشبكة.
فهي لا تكتفي بإفساد مظهر الجهاز، بل تتسلل إلى داخله وتسد فتحات التهوية، مما يؤدي إلى ارتفاع درجة الحرارة تدريجيًا.
ومع الوقت، تؤثر هذه الحرارة المتراكمة على الدوائر والمكونات الحساسة داخل الجهاز، فتقل كفاءته، ويتدهور أداؤه، وربما يفقد قدرته تمامًا على العمل.
بل قد تظهر مشكلات مفاجئة مثل الانقطاعات أو البطء غير المبرر، دون أن يخطر ببالك أن المتسبب هو الغبار المتراكم منذ شهور!
لذلك، يُنصح بتنظيف أجهزة الشبكة مرة كل 6 أشهر على الأقل، باستخدام فرشاة ناعمة أو أداة نفخ الهواء (Blower)، مع الحرص على تنظيفها من الخارج والداخل إن أمكن.
هذه العادة البسيطة تُعد من أسرار إطالة عمر أجهزة الشبكة، وتحافظ على استقرار الأداء وجودة الاتصال في المدى الطويل.
إبعد الأجهزة عن مصادر الحرارة
كل ما الجو كان أهدى، كل ما الأجهزة اشتغلت براحة.
اختار مكان بارد، فيه تهوية كويسة، وبعيد عن الشمس أو الأجهزة اللي بتسخن.
الحرارة العالية هي العدو الأول لـ”إطالة عمر أجهزة الشبكة”.
خفّ الزحمة حواليها
ما تسيبش الراوتر مدفون وسط كراكيب…
كابلات، أوراق، شنطة عدّة – كل ده بيكتم التهوية وبيحاصر الجهاز.
فرّغ حول كل جهاز على الأقل 10 سم من كل اتجاه، واديله مساحة “يتنفس فيها”.
افصلها لما تكون مش محتاجها
لو الشبكة مش شغالة وقت معين، افصل الأجهزة.
خصوصًا في البيت أو المكتب اللي بيقفل بالليل.
ده بيخفف الضغط على الـPower Supply، وبيمنع “الاحتراق البطيء”.
كل فترة راحة بتساوي أيام زيادة في إطالة عمر أجهزة الشبكة.
ريّح الأجهزة بإعادة التشغيل
“الراوتر محتاج Restart كل أسبوع”
دي مش رفاهية… دي صيانة مجانية
الريستارت بينظف الكاش، يفضي الرامات، ويرجع الجهاز لأدائه الطبيعي.
إعادة التشغيل المنتظمة واحدة من أقوى وأبسط وسائل إطالة عمر أجهزة الشبكة.
بلاش تحطهم فوق بعض
من أشهر الأخطاء إنك تحط الراوتر فوق السويتش، وفوقهم الـUPS
ده بيولد حرارة مركبة… مفيش جهاز يقدر يستحملها.
افصل كل جهاز على رف مختلف، أو استخدم حوامل متعددة المستويات.
احميهم من مفاجآت الكهرباء
الـSurge أو فرق الجهد المفاجئ ممكن “يفرط البوردة” في لحظة.
حتى لو مش قادر تجيب UPS، على الأقل:
استخدم مشترك فيه Surge Protector
ابعد الأجهزة عن فيشة التكييف أو الغسالة
لو عايز إطالة عمر أجهزة الشبكة فعلاً… احميها من الكهربا الأول.
راقب اللمبات كويس
كل جهاز بيتكلم من خلال لمباته.
لمبة باور بتفصل؟
لمبة اللينك بتطفي وتولّع؟
الجهاز سخن عن الطبيعي؟
دي كلها علامات تنبيه… اسمعها بدري قبل ما “الكرسى يتحرق”.
حدّث السوفتوير… بس بعقل
مش كل Firmware Update مفيد.
أحيانًا الأبديت بيبقى فيه Bug أسوأ من المشكلة اللي عندك.
اعمل تحديث بس لما:
يكون عندك مشكلة فعلًا
التحديث موثوق
أو الجهاز بقى بطيء جدًا
التحديث الذكي = أمان + أداء + إطالة عمر أجهزة الشبكة.
خلاصة: خطوات عملية في إطالة عمر أجهزة الشبكة بدون تكلفة
مش لازم كل ما الجهاز يتعب… تشتري بداله.
بس لازم تكون بتعامله “بذكاء”.
9 خطوات بسيطة، مجانًا، توفرلك فلوس كتير وتخلي الراوتر والسويتش يعيشوا كأنهم لسه خارجين من الكرتونة.
ابدأ بتطبيق خطوتين بس… وهتشوف فرق واضح.
وخلّي هدفك دايمًا:
“إطالة عمر أجهزة الشبكة” من غير ما تصرف ولا جنيه.