الأمن السيبراني مقدمة
ضرورة مش رفاهية…
كتير من أصحاب الشركات الصغيرة فاكرين إن الأمن السيبراني مش مهم،
“يعني إحنا شركة صغيرة، مين هيفكر يهاجمنا؟!”
بس الحقيقة…
الهجمات الإلكترونية مش بتفرق هي بتدور على السهل والمتاح …
يعني تخيل انت سايب باب بيتك من غير قفل وعايز الحرامي يعدي من قدامه ويسيبه!
واي شركة أكيد عندها بيانات، عملاء، إيميلات، وكمان حسابات مالية… لكن ينفع كل ده من غير أي حماية!
إيه اللي ممكن يحصل لو أهملت الأمن السيبراني؟
تسريب بيانات عملاءك واللي هيؤدي لفقدان ثقة وسمعة سيئة
توقف شغلك يوم أو اتنين دي خسارة مبيعات ومرتبات موظفين شغالة
سرقة حسابك البنكي أو اختراق بريدك ودي تبقى كارثة مالية واحنا مش ناقصين
تشفير كل ملفات شركتك يعني خسارة كبيرة وكل حاجة هتقف
يعني الضرر مش بس تقني،
الضرر ممكن يبقى تجاري ومالي وقانوني برضو.
طيب إزاي تحمي شركتك بخطوات بسيطة؟
- حد يسرق حسابك البنكي أو بطاقة ائتمانك ويشتري بيها أونلاين
- صورك الخاصة تتكشف وحد يستخدمها ضدك
- حد ينتحل شخصيتك ويكلم صحابك أو مراتك
- ملفاتك كلها تتشفّر ويطلب منك هاكر فدية علشان يرجعهالك
زاي بتحصل الهجمات دي؟
اهم حاجة درّب فريقك… حتى لو 3 أشخاص
أكبر ثغرة في أي نظام مش الكمبيوتر… بتكون بسبب الموظفين!
علشان كده لازم تعملهم توعية:
ممنوع فتح اي روابط مشبوهة “يعني يجيلك رابط -اضغط هنا- واكسب ايفون ولا حتى بطة بلدي”
الإيميلات الغريبة اوعى تحفظها على جهازك بلاش تفتحها من الأصل
بلاش نشارك الباسورد على الواتساب
استخدام كلمات سر قوية لكل الحسابات
بلاش “admin123” أو “123456” والحاجات السهلة دي
تفعيل التحقق بخطوتين
يعني الحساب ميتفتحش الا لما بواسطة رسالة على الموبايل او الايميل مهما كان الحساب، خلي فيه طبقة حماية إضافية ، يعني كأنك ركبت باب حديد على باب الشقة
علشان لو حد عرف الباسورد، مش هيقدر يدخل بسهولة
تحديث أنظمتك وبرامجك باستمرار
زي ما بيقولوا جينا على الجرح لإن الموضوع ده حساس شوية
وده علشان التكلفة لكنه مهم جدا
اوعى تفتكر ان التحديثات دي كمالية…
علشان كده ده دور التحديثات لإنها بتسد ثغرات ممكن تكون مكشوفة يحصل اختراق عن طريقها
وكمان لازم تاخد بالك للبرامج المكركة لإن دي سبب كل المصايب وده لإنها بتفتح ثغرة في نظامك مفيهاش حماية وسهل اي حد يتسلل عن طريقها
واللي لازم تعرفه انك مش هتقدر تحدث برامج مهكرة لإنك بمجرد تحديثها هتتكشف
استخدم جدار حماية (Firewall) وأنتي فايروس محترم
على فكرة أنت ممكن برامج مجانية تساعدك كبداية، بس لازم تكون محدثة
هتقولي انت كده زودتها اوي بيتهيألي دي حاجة ملناش فيها:
خلينا نبسطها:
تخيل ان عندك حفلة وعامل دعوات للناس اللي بتثق فيها ومش عايز حد غريب يدخل ، هنا ييجي دور الـ (Firewall) يفتّش الناس، وميخلّيش أي حد غريب يدخل .
وبالمعنى الحقيقي كمبيوترك أو شبكتك عبارة عن بيت وجدار الحماية (Firewall) هو الراجل اللي واقف على الباب، بيشوف مين بيخبط، ويقرر: مين اللي يدخل ومين يتمنع
جدار الحماية بيحمي جهازك من أي محاولة اختراق، حتى لو كان جهاز اللابتوب بتاعك في البيت!
لإن كتير من الناس بتفتكر إنه خاص بالشركات الكبيرة بس، لكن الحقيقة إن جهازك فيه بياناتك، صورك، حساباتك… وكل ده محتاج حماية.
ودي مجموعة برامج Firewall سهلة وآمنة
ول برنامج هو : Windows Defender Firewall وده موجود في كل ويندوز
النوع: مدمج مع نظام التشغيل
المميزات: سهل التفعيل
شغال تلقائي مع تحديثات الويندوز
بيمنع التطبيقات الغريبة من الوصول للإنترنت
العيب الوحيد: الإعدادات المتقدمة شوية معقدة، بس كبداية ممتاز جدًا
ZoneAlarm Free Firewall
النوع: مجاني
المميزات:
واجهة سهلة
ينبهك لو فيه أي محاولة اتصال مش طبيعية
يراقب البرامج اللي بتحاول تطلع أو تدخل داتا من الجهاز
المناسبين ليه: مستخدمين مبتدئين وشركات صغيرة
الرابط: zonealarm.com
Comodo Firewall
النوع: مجاني مع خيارات مدفوعة
المميزات: يعزل البرامج المشبوهة
وينبهك فورًا لأي سلوك مريب
يديك تحكم كامل في الصلاحيات
الرابط: comodo.com
TinyWall
النوع: مجاني وخفيف
المميزات: بيستخدم Windows Firewall وبيبسطه
بدون إعلانات
ممتاز للمستخدمين اللي مش عايزين تعقيد
الرابط: tinywall.pados.hu
نصيحة سريعة:
لو شركتك فيها أكتر من جهاز أو شبكة داخلية، يبقى الافضل تستخدم برنامج Firewall مركزي على الروتر أو سيرفر بسيط، وفي الحالة دي غالبا هتحتاج تستعين بمتخصص يظبطهولك مرة واحدة.
عمل نسخ احتياطي (Backup)
نيجي للمهم وهو انك تخزن بياناتك على هارد خارجي والأفضل من كده يكون عندك جهاز تستخدمه سيرفر يتخزن عليه بيانات أجهزة الشركة كل أسبوع على الأقل
علشان لو حصلت مصيبة، تقدر ترجع شغلك في الانجاز
الخاتمة
و شركتك صغيرة، فانت مش بعيد عن الخطر…
الأمن السيبراني مش تكاليف زيادة وخلاص، ده تأمين لشغلك، عملاءك، واسمك في السوق.
وكل ما تبدأ بدري، كل ما خففت على نفسك مصايب كتير ممكن تحصل في ثانية!
خليك سابق بخطوة…
خطوة بسيطة، يمكن تنقذك من مشاكل كتيرة بعدين