فاكر إنك ركّبت الكابلات تمام؟ طب جرّب تمشي جنب موتور كبير وشوف الشبكة هتعمل إيه
مقدمة
: التداخل الكهرومغناطيسي – العدو الخفي في شبكتك
في كل شبكة بيانات، يوجد عدو صامت يُعرف بالتداخل الكهرومغناطيسي. رغم أن المصطلح يبدو علميًا، إلا أن تأثيره واقعي وخطير، حيث يسبب تشويشًا في الإشارات ويؤدي إلى تدهور أداء الشبكة. هذا العدو الخفي يعطل نقل البيانات ويؤثر على استقرار الشبكات، مما يجعل فهمه والوقاية منه أمرًا ضروريًا للحفاظ على جودة الاتصال وسلامة البنية التحتية الرقمية.بيظهر لما كابلات الشبكة تمر جنب مصادر كهرباء قوية زي:
- خطوط ضغط عالي
- مواتير صناعية
- تكييفات مركزية
- محولات ومولدات
في الحالة دي، الإشارة اللي ماشية في الكابل بتتأثر، تتشوّه، أو حتى تختفي… والنتيجة؟
انقطاع مفاجئ، بطء شديد، أو “فية بيانات بتتحرك بس مش واصلة”
علشان كده، حماية شبكتك من التداخل الكهرومغناطيسي مش رفاهية…
دي خطوة أساسية لبناء شبكة محترمة، خصوصًا في بيئات مزدحمة بالكهرباء.
في المقال ده، هتتعلم 3 خطوات بسيطة لكنها ذهبية تمنع عنك صداع الشبكة، وتحميك من كابوس اسمه: التداخل الكهرومغناطيسي.
اختيار الكابل المناسب لمقاومة التداخل الكهرومغناطيسي
أول وأهم خطوة: الكابل نفسه.
مش كل الكابلات تنفع في كل الأماكن، ولو بتشتغل في بيئة فيها كهرباء كتير، كابل الـUTP العادي هيخونك.
الحل:
استخدم كابلات Shielded Cat6A أو Cat7
تأكد إن الكابل من نوع STP أو S/FTP
الكابلات دي مصممة بعزل داخلي يحمي الإشارة من التداخل الكهرومغناطيسي
نصيحة من وايز جروب : لو الميزانية محدودة، وفر في أي حاجة إلا الكابل. لأن إصلاح التداخل بعد التركيب هيكلفك أكتر.
“الكابل الصح هو أول جدار دفاع ضد التداخل الكهرومغناطيسي.”
إفصل المسارات لحماية الكابل من التداخل الكهرومغناطيسي
بعض الفنيين يقومون بتركيب كابلات الشبكة بجوار كابلات الكهرباء “عادي”،
لكن اللي مش واخدين بالهم منه إن المجال الكهرومغناطيسي حوالين سلك الكهرباء بيمشي زي الهوا…
ويقدر يؤثر على أي كابل بيانات جنبه حتى لو ما لمسوش.
تعمل إيه؟
افصل مسارات الشبكة عن الكهرباء بمسافة لا تقل عن 30–50 سم
استخدم فواصل معدنية أو أنابيب PVC
لو اضطرّيت تعدّيهم جنب بعض، خليك حريص على الزوايا والاتجاهات
التداخل الكهرومغناطيسي ما بيعرفش حدود، فكل ما تبعد… كل ما تحمي شبكتك أكتر.
التأريض والشيلد: درعك الأخير ضد التداخل الكهرومغناطيسي
استخدام كابل Shielded لوحده مش كفاية…
لو ما وصلتش الشيلد بالأرض (Earthing) بشكل صحيح، فهيبقى مجرد طبقة معدن بتعكس التداخل جوا الكابل بدل ما تطرده.
إزاي تعمل التأريض صح؟
وصّل الشيلد بالأرض من جهة واحدة فقط (عشان تتجنب الـLoop)
استخدم Patch Panels وRJ-45 تدعم التأريض
تأكد إن نظام الكهرباء في المكان فيه Grounding محترف
“بدلة ضد الرصاص مش هتحميك لو فيها فتحة في الضهر… ونفس الكلام للكابل من غير تأريض ضد التداخل الكهرومغناطيسي.”
مواقف واقعية: لما التداخل الكهرومغناطيسي يكشف نفسه
في مصنع تعبئة، لاحظنا إن الشبكة بتقطع كل يوم الساعة 11 صباحًا.
بعد الفحص، اتضح إن ماكينة ضخمة بتشتغل وقتها، وكابلات الشبكة كانت ماشية جنبها بدون أي شيلد أو فصل.
غيرنا الكابلات، استخدمنا S/FTP، وعملنا تأريض من جهة واحدة.
النتيجة؟
انتهت المشكلة في نفس اليوم.
وده مش مثال واحد… ده سيناريو بيتكرر في مصانع، عيادات، مكاتب، بل وبيوت فيها وصلات كهرباء غير مدروسة.
روابط مفيدة:
تأثيرات التداخل الكهرومغناطيسي
5 أسرار مذهلة لاختيار السويتش المثالي لشبكتك الصغيرة – رابط داخلي من نفس السلسلة
خلاصة
التداخل الكهرومغناطيسي مش نظرية… ده واقع
لو شبكتك بتقطع بدون سبب واضح، أو الإشارة مش مستقرة رغم إن الأجهزة كويسة…
راجع الكابلات، المسارات، والتأريض.
90% من مشاكل الشبكة سببها التداخل الكهرومغناطيسي – وأنت مش واخد بالك.
ابدأ بالكابل… افصل المسارات… أؤرض صح.
وابني شبكة تقول “أنا جاهز للضغط!”.
الخاتمة
خبرة ميدانية من وايز جروب
هذا المقال مبني على خبرات فنيّة من فرق العمل الميدانية في “وايز جروب”، في مصانع وشركات مصرية واجهت مشكلات حقيقية بسبب التداخل الكهرومغناطيسي، وتم التعامل معها بنجاح عبر الخطوات الواردة.